Edi Basa është shfaqur në konferencën për shtyp para duelit të radhës kampional ndaj Ferizajt, derisa nga kjo zonë ka bërë thirrje për të luftuar së bashku.
Anësori i krahut të djathtë ka folur për përgatitjet e ndeshjes dhe për motivimin e skuadrës në prag të një takimi tejet të rëndësishëm.
“E dijmë që ndeshja e nesërme do të jetë e vështirë, ashtu siç ishin takimet e kaluara, mirëpo ne do të tregojmë rrespekt për vetën tonë në radhë të parë, do të luftojmë për klubin dhe tifozët në mënyrë që të rikthehemi në rrugën e rezultateve pozitive. Ne do të luftojmë për të fituar dhe kjo është ajo që na duhet”.
“Jemi të gjithë të bashkuar dhe të motivuar për të luftuar së bashku. Ne duhet të fitojmë këtë përballje dhe jemi të vetëdishëm për këtë gjë”.
Dueli ndërmjet Gjilanit dhe Ferizajt zhvillohet të shtunën më 5 prill me fillim nga ora 15:00 në stadiumin ndihmës në Gjilan.
